Gjykata Themelore në Prishtinë ka shpallur aktgjykimin ndaj të dyshuarit Zllatan Arsiq, i akuzuar për krime lufte kundër popullatës civile në Kosovë.
Zllatan Arsiq është liruar nga aktakuza pasi që gjykata nuk ka gjetur prova që vërtetojnë se ka kryer krime lufte në Kosovë gjatë luftës së fundit në Kosovë.
Arsiq, ish-pjesëtar i forcave policore serbe, që pas luftës ka qenë edhe pjesëtar i Policisë së Kosovës, akuzohej për torturë, trajtim çnjerëzor, dëbim e djegie të shtëpive të shqiptarëve gjatë shkurtit dhe marsit 1999 në Kamenicë.
