Ambasada e Kosovës në Gjermani ka dhënë disa informacione të rëndësishme mbi institucionalizimin e mësimit plotësues të gjuhës shqipe në Berlin.
Nga kjo ambasadë kanë bërë të ditur se kriteri kryesor që në një shkollë në Berlin të ketë mësim plotësues të gjuhës shqipe është kërkesa prej të paktën 12 nxënësve shqiptarë në një shkollë.
“Nëse dorëzohen 12 formularë, atëherë drejtoritë e shkollave informojnë organet kompetente të landit të Berlinit (Senatsverwaltung für Bildung, Jugend und Familie) për interesimin e shprehur dhe nevojën e ofrimit të gjuhës shqipe në shkollë”, thuhet në njoftim. /Kosovatimes/
