Policia ka bërë të ditur se një i mitur është arrestuar i cili pas një mosmarrëveshje ka sulmuar me një armë të ftohtë (thikë) dy persona të tjerë të mitur.
Në raportin 24 orësh të Policisë së Kosovës bëhet e ditur se viktimat dhe i dyshuari janë dërguar në QKUK, Prishtinë për tretman mjekësor, ndërsa i dyshuari pas trajtimit mjekësor me vendim të prokurorit pas intervistimit është dërguar në mbajtje.
“Është arrestuar i dyshuari mashkull kosovar-i mitur, pasi që i njëjti pas një mosmarrëveshje ka sulmuar me një armë te ftohtë (thikë) dy viktimat meshkuj kosovarë të mitur. Viktimat dhe i dyshuari janë dërguar në QKUK, Prishtinë për tretman mjekësor, ndërsa i dyshuari pas trajtimit mjekësor me vendim të prokurorit pas intervistimit është dërguar në mbajtje”, thuhet në raportin e policisë.
Ndërkaq, rasti është cilësuar si “vrasje në tentativë”. /Kosovatimes/
