Policia në Gjilan ka realizuar një urdhëresë të Gjykatës Themelore ku ka kryer kontrolle në katër lokacione me qëllim të sigurimit të provave ndaj një të dyshuari.
“Gjatë kontrollit në vend-banimin e të dyshuarit A.A., (viti i lindjes 1999, mashkull me shtetësi maqedonase),në një fshat të Gjilanit, janë sekuestruar në cilësinë e provës materiale:2407.6 gram (2.4 kg)-lëndë narkotike, dyshohet të jetë heroinë, 6.8 gram-lëndë narkotike dyshohet të jetë marihuanë, dy armë të shkurta, pesë armë të gjata, një veturë me targa të Kumanovës, një veturë me targa vendore dhe një sasi e municionit kalibrash të ndryshme”, thekson policia.
Gjatë realizimit të urdhër kontrollit, i dyshuari nuk ka qenë prezent, por është njoftuar nga familjarët që të paraqitet në vendngjarje, i njëjti nuk i është përgjigjur ftesës zyrtarëve policor edhe ndodhet në arrati.
Lidhur me narkotikët, hetimet janë duke u zhvilluar, ndërsa rastin për armët e sekuestruara janë duke u marruar njësitë tjera për shkak të kompetencave lëndore.
“Substancës se dyshuar narkotike iu është bërë testi fushor me që rast ka rezultuar pozitiv. Lidhur me gjitha veprimet e ndërmarra është njoftuar Prokurorja e Shtetit”, njofton policia. /Kosovatimes/
