Festivali ndërkombëtar i poezisë i cili organizohet në përvjetor të Pavarësisë së Kosovës, “Republika”, po vjen me edicionin e gjashtë të organizimit.
Sivjet për vitin e 16-të të Pavarësisë do të prezantohen 16 poetë nga Kosova, Shqipëria, Maqedonia e Veriut, Franca, Italia, Suedia, Greqia dhe Kolumbia.
Timo Flloko, Ardiana Shala – Prishtina, Shkëlzen Halimi, Brikena Qama, Salvatore Nappa, Ilire Zajmi, Laure Cambau e Vlora Konushevci janë disa nga emrat e prezantuar deri më tani.
Përveç pjesës poetike, organizatorët janë kujdesur që të ketë edhe arte pamore, duke përfshirë ekspozitën fotografike “Përdita ime e mungueme” të mjeshtrit të fotografisë, Fahredin Spahija.
“Ekspozitën fotografike ‘Përdita ime e mungueme’ e karakterizon drama e nji epoke. Drama e luftës, e ekzistencës, e boshit, e mungesës, e humbjes dhe shpërfytyrimit”, thuhet në njoftim.
