Shërbimi i Kërkim-Shpëtimit Malor i Kosovës përmes një njoftimi bëri të ditur se rreth orës 16:30 të ditës së sotme kanë pranuar një thirrje për ndihmë nga “Ski Patrolla” e qendrës skitare Brezovicë.
Informatat e para kishin të bëjnë për humbje në mjegull të dy skiatorëve, por pas mbledhjes së informatave është identifikuar zona “Foleja e Shqiponjave” e njohur për ortekë ku kanë filluar kërkimin për shtetasit e huaj. Anëtarët tanë së bashku me Patrullën e skijimit të qendrës skitare në Brezovicë e kan lokalizuar viktimën e cila kishte marrë lëndime nga orteku.
Me të arritur i është dhënë ndihma e parë por për shkak të lëndimeve të mëdha ajo ka ndruar jetë.
Pas evakuimit të trupit nga ekipet mjekësore është verifikuar vdekja e skiatores, shtetase e huaj. ShKShMK ka apeluar për kujdes të shtuar gjatë skijimit jashtë shtigjeve zyrtare të skijimit, pasi, kushtet e këqija atmosferike mund të jenë të rrezikshme për natyra të aksidenteve të tilla! /Kosovatimes/
