Ish-ministrja dhe deputetja nga radhët e LDK-së, Hykmete Bajrami, thotë se për herë të parë, falë politikave të Kurtit, Amerika po vë në pikëpyetje partneritetin me Kosovën.
Në një postim në rrjetin social Facebook, ajo ka përmendur edhe masat ndëshkuese të Bashkimit Evropian ndaj Kosovës, mospërfundimin e projekteve infrastrukturore, shtrenjtimin e rrymës, inflacionin e mosrritjen e pagës minimale.
Sipas saj, ka korrupsion, si rastet e Martin Berishajt e të Nagip Krasniqit, si dhe një sërë rastesh të tjera ku Qeveria u del në mbrojtje, duke e penguar drejtësinë që ta kryejë punën e vet.
“Kosova ka dështuar në PISA, qe tri vite nxënësit fillojnë mësimin me nga një muaj vonesë. Sipas të dhënave të MASHT-it 77% e paraleleve dhe 33% e shkollave nuk i plotësojnë kushtet ligjore për të zhvilluar mësim. Nuk është ndërmarrë asnjë reformë, reformën që ministrja do duhej ta ndërmerrte në gjithë Kosovën e ka ndërpre në Kamenicë dukë shkelë kushtetutën. Buxheti i Universitetit të Prishtinës është 1 milion euro me i ulët se vitin e kaluar”, tha ajo.
