Kryeministri i Kosovës, Albin Kurti, në prag të përvjetorit të 16-vjetorit të Pavarësisë së Kosovës, ka publikuar një video ku është përshkruar rrugëtimi i Kosovës.
Lufta e Ushtrisë Çlirimtare të Kosovës, rezistenca e studentëve gjatë protestave të viteve të 90’ta, mësimi shqip në shtëpi-shkolla janë disa nga segmentet që e karakterizojnë pjesën e çlirimit në përmbledhjen e përgatitur nga Ministria e Kulturës, Rinisë dhe Sportit.
“Besa-besë…vetëm një vdekjes se tjetër s’ka në këtë jetë dhe një fjalë e mirë”, thotë një shkëputje e fjalëve të komandatit legjendar, Adem Jashari.
Kjo përmbledhje e shpërndarë nga kryeministri Albin Kurti, ngërthen në vete edhe kullën e familjes Jashari, bukuritë natyrore të Kosovës, të rinjtë si simbol të së ardhmes, festivalin Sunny Hill, monumentet historike e institucionet kulturore dhe personalitete me famë botërore si Dua Lipa, Rita Ora, Majlinda Kelmendi e përfaqësuesë të tjerë sportiv.
“Gëzuar 16-vjetorin e Pavarësisë, Kosova jonë!”, ka shkruar Kurti në ‘Facebook’.
