Forcat ukrainase dhe ruse janë përfshirë në “luftime të ashpra” në Avdiyivka, një qytet në Ukrainën lindore, tha sot një komandant i lartë ushtarak ukrainas.
“Në qytet po zhvillohen luftime të ashpra”. Forcat tona po përdorin të gjitha forcat dhe mjetet në dispozicion për të frenuar armikun”, tha Oleksandr Tarnavskyi, komandant i lartë ukrainas i pjesës lindore të vendit, në mediat sociale.
Forcat ukrainase po krijojnë pozicione të reja mbrojtëse rreth Avdiyivka dhe ushtria ka sinjalizuar një tërheqje të mundshme përballë valëve të sulmeve ruse.
“Janë vendosur pozicione të reja dhe vazhdojnë të ngrihen fortifikime të mëdha, duke marrë parasysh të gjitha skenarët e mundshëm”, shtoi komandanti Tarnavski.
Ai shtoi se prioriteti i Kievit është të mbrojë forcat e tij.
“Ne vlerësojmë çdo pjesë të territorit ukrainas, por vlera dhe përparësia më e madhe për ne është të shpëtojmë jetën e çdo ushtari ukrainas,” tha ai, duke e përshkruar situatën në Avdiyivka si të vështirë, por nën kontroll.
Në atë qytet në rajonin e Donbasit të shkatërruar nga luftimet, pozicioni i ushtarëve ukrainas është gjithnjë e më i pasigurt përballë forcave ruse që kanë qenë në ofensivë që nga tetori.
Rënia e Avdiyivka do të ishte një fitore e rëndësishme simbolike për Rusinë.
