Deputeti i Bundestagut gjerman dhe ish ish-koordinator i bashkëpunimit transatlantik, Peter Beyer, ka thënë se Kosova sot feston e palëkundur pavarësinë e saj, e vendosur të formësojë të ardhmen e saj evropiane.
Beyer, në një postim në Facebook, ka shkruar se NEWBORN, monumenti historik në Prishtinë, i zbuluar në ditën e Shpalljes së Pavarësisë në vitin 2008, është simbol i shpresës dhe aspiratës së Kosovës për njohje dhe përparim
“Sot, “NEWBORN” nuk qëndron vetëm për fillimin e një viti të ri, por edhe për frymën e një vendi që me guxim po ecën përpara drejt së ardhmes. NEWBORN, monumenti historik në Prishtinë, i zbuluar në ditën e Shpalljes së Pavarësisë në vitin 2008, është simbol i shpresës dhe aspiratës së Kosovës për njohje dhe përparim”, shkruan Beyr.
Sipas tij liberalizimi i vizave, i cili ka hyrë në fuqi më 1 janar 2024, është një shenjë e dukshme e këtij progresi. Një proces i gjatë që filloi në vitin 2016 dhe është ankoruar fort në udhërrëfyesin e BE-së për liberalizimin e vizave, tani ka dhënë frytet e tij.
“Qytetarët e Kosovës tani mund të udhëtojnë dhe ta përshëndesin botën me shpresë të përtërirë. Që nga 17 shkurti 2008, kur Kosova pretendoi vendin e saj në botë, njerëzit janë përpjekur për një të ardhme evropiane që mban premtime për liri dhe integrim. Sot, le të festojmë pavarësinë dhe shpirtin e palëkundur të një vendi të vendosur të formësojë të ardhmen e tij evropiane”, ka shkruar Beyer. /Kosovatimes/
