Një burrë 30-vjeçar vrau 12 të afërm të tij me një automatik kallashnikov në një zonë të largët rurale në Iranin juglindor, që sipas raportimeve të mediave është të shtënat më vdekjeprurëse të raportuara në atë vend në dekadat e fundit.
I armatosuri qëlloi babanë, vëllanë dhe të afërmit e tij herët këtë mëngjes për një mosmarrëveshje familjare, tha kreu i departamentit të drejtësisë të provincës Kerman, Ebrahim Hamidi, për agjencinë e lajmeve gjysmë zyrtare të Iranit ISNA.
Në raport, i cili nuk e identifikoi sulmuesin, thuhej se sulmuesi përdori një “Kallashnikov” gjatë sulmit. Pushkët e gjuetisë janë të ligjshme në Iran dhe ato janë të zakonshme në zonat rurale të vendit, raporton AP.
Vitet e fundit dhuna është rritur në Iran, për shkak të përkeqësimit të situatës ekonomike.
Dy vjet më parë, një punonjës i cili ishte shkarkuar nga një konglomerat financiar shtetëror në një zonë rurale në jug të Iranit hapi zjarr në ish-vendin e tij të punës, duke vrarë tre persona dhe duke plagosur pesë të tjerë përpara se të vriste veten.
