Presidenti serb Aleksandar Vuçiq, në një paraqitje të ftuar në TV Prva, tha se në Forumin e Sigurisë në Mynih, ai mbështeti gruan e Alexei Navalny, Julia, edhe pse ishte ndër të fundit që u ngrit dhe nuk e duartrokiti praninë e saj disa orë pas lajmi se Navalny kishte vdekur në burg në Rusi.
Pas forumit të sigurisë në Mynih në të cilin mori pjesë presidenti Vuçiq, ai foli në TV Prva për temën që shënoi atë ngjarje, përkatësisht vdekjen e liderit të opozitës ruse Aleksai Navalny.
Ndryshe nga heret tjera kur herve tjera eshte i informuara per te gjitha sic ka qejf te prezantohet ne publik, duke flluar nga ajo qe e pret vedin e tij madje edhe Evropen, per bashkeshorten e Navalnyt nuk kishte informacion!
“Është tragjike kur një i ri humbet jetën. Unë nuk jam organ hetimor, nuk do të doja të flisja për këtë. Kjo është puna e analistëve politikë, jo e presidentit të vendit. “Pozita do të jetë më e vështirë për ne, nuk kam dyshim”, tha ai.
Vuçiq foli edhe për arsyet pse nuk e përshëndeti me duartrokitje kur në forum foli gruaja e Navalny-t, Julija Navalny.
“Isha ulur në rreshtin e parë ku ulen presidentët e shteteve, papritmas një grua u ul pranë meje, nuk e kam idenë se kush ishte. E kam fajin sepse nuk e dija kush ishte ajo grua. Ata thanë se kemi një të ftuar special, Julia Navalny. Unë do të shpreh ngushëllimet e mia ndoshta do të kisha gabuar sepse ajo në fjalinë e dytë tha se te mos i shprehin ngushëllimet. “Kam bërë gjithçka ashtu siç i respekton një njeri i ndershëm një personi që ka humbur një të dashur”, tha Vuçiq.
Duke folur për Rezolutën e Parlamentit Evropian për zgjedhjet në Serbi, Vuçiq tha se BE-ja ka humbur 10 për qind të mbështetjes për shkak të saj.
