Kosova dhe ata e kanë një ditëlindje. Të rinjtë e të rejat e Kosovës shprehin ndjenjat e tyre për vendlindjen dhe shpresat për të ardhmen. Secili në mënyrën e tyre shprehin mesazhet për vendin; shprehin dëshira për përparim për të ndërtuar një Kosovë më të mirë për të gjithë qytetarët e saj. 16 vjeçët që u lindën në vitin e shpalljes së Pavarësisë, japin mesazhet e tyre. E duan Kosovën.
“Unë jam shumë krenare që ta festojë 16 vjetorin e ditëlindjes time së bashku me Kosovën. Unë kam lindur në vitin 2008. gjërat që unë do të doja të ishin më ndryshe në aspektin e arsimit është që shkollat tona të ishin dhe të kishin përdorur më shumë teknologjinë dhe të kishim më shumë laboratorë pasi unë mendojë se kjo gjë do ta bënte akoma më të mirë eksperiencën tonë si shkollë e mesme por edhe të na përgatiste për rrugëtime të mëtutjeshme..”, thotë Delina Dibrani.
Kurse gjashtëmbëdhjetë vjeçja, Rajmonda Kurtolli, thotë: “Kam lindur në vitin 2008. Këtë vit festojë 16 vjetorin e lindjes time, gjithashtu edhe shpalljen e Pavarësisë së Kosovës. Familja ime janë shumë krenar që linda në atë vit, sepse atëherë u shpallë edhe Pavarësia e Kosovës, ku gjithashtu unë jam krenar për vendin tim po kisha pas dëshirë të ketë disa ndryshime të vogla, të kishte sa më shumë biblioteka edhe mjedisi të jetë më i pastër”, thotë Rajmonda Kurtolli.
“Jam krenar që kam lind në vitin 2008, në këtë vit u shpallë edhe Pavarësia e Kosovës, për këtë krenohen edhe familja ime. Në këtë periudhë kisha dashtë që të ketë disa ndryshime në vend, në vendet e arsimit, të kemi më shumë laboratorë dhe të jemi të përgatitur për tregun e punës…”, thotë Dores Statovci.
