Ish-kryeministri, Avdullah Hoti, ka thënë se në tri vitet e fundit ka përkeqësim të paprecedent të strukturës së buxhetit.
Deputeti i LDK-së, ka theksuar se gjatë kësaj periudhe trefish më shumë po shpenzohet në subvencione-transfere se sa në ndërtimin e rrugëve, shkollave, spitaleve apo në pajisje të ushtrisë e policisë.
“As varfëria nuk eliminohet kështu. Ajo mund të zbutet përkohësisht me subvencione, por eliminohet vetëm me zhvillim. Më tepër është investuar në 2 vite e 9 muaj të Qeverinë Mustafa (979 mil. euro shpenzimet kapitale në nivelin qendror), se në Qeverinë aktuale që është në vitin e katërt të mandatit (910 mil. euro shpenzimet kapitale në nivelin qendror)”, ka shkruar Hoti në Facebook. /Kosovatimes/
