Një qytetari serb policët i kanë kthyer paratë që i kishin humbur në pikën kufitare në Bërnjak. Nga Policia e Kosovës njoftojnë se me datë 20.02.2024 kanë ndërmarrë veprime përmes rrugëve operative për identifikimin e një personi të cilit i kishte rënë një shumë parashë në pikë kalimin kufitar në Bërnjak.
Pas veprimeve të ndërmarra është identifikuar personi mashkull/serb ku në konsultim me prokurorin e shtetit i njëjti është intervistuar dhe pas kryerjes së procedurave të parapara i janë kthyer paratë e humbura në vlerë prej 200 euro dhe 1 mijë e 510 dinarë.
“Policia e Kosovës mbetet e përkushtuar që në vazhdimësi të kryej detyrat e saj në nivelin më të lartë të profesionalizmit dhe përgjegjësisë për të gjithë qytetarët pa dallim”, thuhet në njoftimin e Policisë së Kosovës. /Kosovatimes/
