Trajneri i Romës, Daniele De Rossi, është shprehur shumë i lumtur me fitoren ndaj Feyenoord-it dhe kualifikimin në rundin e radhës në Europa League.
“Romakët” mbrëmë mundën skuadrën holandeze (4-2), pas ekzekutimit të penalltive duke siguruar kualifikimin në 1/8 e finales së Europa League-s.
“Është bukur të kujtosh gjithçka që ndodhi në këtë ndeshje. Nata ime e parë evropiane me Romë në këtë gare. Jam i kënaqur që përfundojë kështu. Një fitore e merituar më atë që bëmë në këtë ndeshje”, ka thënë De Rossi.
“Ne jemi një ekip i mirë. Jam i lumtur që fituam në një stadium të mrekullueshëm”, ka theksuar tekniku italian.
