Eksperti për luftimin e dezinformimint Xhejson Steinhauer mbajti një ligjëratë me studentë të gazetarisë lidhur me luftën ndaj dezinformatave në medie, duke marrë shembull luftën Rusi-Ukrainë.
Steinhauer, ka folur për përpjekjet e Rusisë për të parë luftën me Ukrainën përmes narrativit që atyre u ka konvenuar.
“Ka pasur shumë dezinformata për luftën që i është mveshur Ukrainës e jo Rusisë. Ka disa keqkuptime dhe propagandë që është shpërndarë në mënyrë që të dezinformohet sa më shumë për luftën. Është me rëndësi që të kuptohet se si ka filluar lufta si në aspektin gjeopolitik ashtu edhe në atë historik”, ka thënë Steinhauer
Ai foli edhe për e mediat sociale, ku tha se kemi përgjegjësi që të edukojmë njerëzit se si funksionojnë ato.
“Mendoj që kemi përgjegjësi të madhe që t’i edukojmë njerëzit, si platformat e mediave sociale funksionojnë, cilat informata duhet të plasohen aty, pse anëtarë të caktuar shfaqen në ato medie sociale. Pra qëllimi ynë është që t’i edukojmë sa më shumë lexuesit, ka thënë ai.
Ai gjatë ditës mori pjesë në një ligjëratë me studentët e gazetarisë në UP, ku u ligjëroi për dezinformimin, për mediat sociale, inteligjencën artificiale, për situatën e komplikuar dhe komplekse në mjedisin e informimit e çështje të tjera.
