Ambasada e Kosovës në Londër të Mbretërisë së Bashkuar ka organizuar pritjen zyrtare me rastin e shënimit të 16-vjetorit të Pavarësisë.
Sipas njoftimit të kësaj ambasade, në organizimin e mbajtur në “The Royal Horseguards” morën pjesë Kryeministri Albin Kurti, ambasadori i Kosovës në Londër, Ilir Kapiti dhe personalitete tjera nga fusha të ndryshme.
Në fjalimin e mirëseardhjes në këtë ceremoni, ambasadori Kapiti foli për rolin e misionit diplomatik të Kosovës në Londër, lidhjet me Mbretërinë e Bashkuar si dhe avancimin e mëtejmë të bashkëpunimit ndërmjet dy vendeve. /Kosovatimes/
