Shërbimi Korrektues i Kosovës (ShKK), ka bërë të ditur se në Qendrën e Paraburgimit në Prishtinë ka vdekur të hënën një i burgosur me inicialet V.M.
ShKK, nëpërmjet një njoftimi në Facebook, ka njoftuar se I burgosuri ishte duke u trajtuar sipas rekomandimeve të institucioneve shëndetësore publike.
“Shërbimi Korrektues i Kosovës dhe Departamenti Shëndetësor i Burgjeve njoftojnë se sot rreth orës 07:40 në Qendrën e Paraburgimit në Prishtinë ka ndërruar jetë i burgosuri, V.M. Vdekja është konstatuar nga ekipi i Qendrës Emergjente të Qytetit. I burgosuri ishte duke u trajtuar sipas rekomandimeve të institucioneve shëndetësore publike (IPFK-së)”, ka njoftuar ShKK.
Tutje u tha se organet kompetente janë duke i zhvilluar procedurat ligjore, ndërsa autopsia do të verifikoi shkakun e vdekjes. /Kosovatimes/
