Fotot e bëra që nga marrja e Avdivkas nga trupat ruse, tregojnë qytetin lindor të Ukrainës të shndërruar në një djerrinë dhe thuajse të zbrazët. /rel/
Kjo foto e 22 shkurtit 2024 është një nga imazhet e para që dolën nga qyteti që nga kapja e tij nga forcat ruse.
Pas një ofensive të kushtueshme masive ruse, ushtria e Ukrainës njoftoi për tërheqjen e saj nga qyteti, “për të shmangur rrethimin dhe për të ruajtur jetën dhe shëndetin e personelit të shërbimit” më 17 shkurt.
Avdivka ishte shtëpi e rreth 31.000 njerëzve në fillim të vitit 2022, pavarësisht se ishte pranë vijës së parë të konfliktit shumëvjeçar mes separatistëve të mbështetur nga Rusia dhe forcave ukrainase, i cili i parapriu pushtimit rus në shkallë të plotë.
Teksa forcat ruse rrethuan Avdivkan në shkurt, shumë nga banorët e mbetur u detyruan të largohen. Mbetet e paqartë se sa kanë mbetur.
Njësia luftarake abkaze është akuzuar për krime lufte nga Kievi, duke përfshirë torturimin e supozuar të ushtarëve ukrainas të robëruar.
Pjesa më e madhe e mbrojtjes së Avdivkas nga Ukraina u arrit me dronët kamikazë me pamje të parë (FPV). Dronët FPV shkatërruan armatimin rus, me më shumë se 100 automjete ruse të shkatërruara brenda më pak se dy javësh rreth Avdivkas në tetor të vitit 2023.
Pavarësisht efektivitetit të tyre kur janë në funksion, dronët FPV nuk janë në gjendje të fluturojnë në shi të dendur dhe mund të pengohen rëndë nga mjegulla, era dhe drita e dobët.
Ushtria e Ukrainës u tërhoq në linjat e përgatitura mbrojtëse pas 17 shkurtit dhe është ende brenda rrezes së dronëve të qytetit të pushtuar.
Rëndësia strategjike e kapjes së Avdivkas nga forcat ruse kundërshtohet nga analistët. Disa analistë perëndimorë besojnë se kapja e qytetit do të ndihmojë ndjeshëm logjistikën sulmuese të Rusisë dhe do të kufizojë granatimet e Ukrainës ndaj qytetit të Donjeckut disa kilometra në jug.
Instituti për Studime të Luftës parashikoi se kapja e Avdivkas do të nënkuptonte vetëm “fitore të menjëhershme informative dhe politike” për Kremlinin dhe asnjë përparim të rëndësishëm operacional. “Forcat ukrainase kanë fortifikuar prej kohësh shumë nga vendbanimet përreth, të cilat forcat ruse po përpiqen gjithashtu t’i kapin”, shkroi grupi i ekspertëve në një postim më 15 shkurt.
