Britania e Madhe nuk planifikon të dërgojë trupa ushtarake në shkallë të gjerë në Ukrainë.
Kështu ka thënë të martën një zëdhënës i kryeministrit të Mbretërisë së Bashkuar, Rishi Sunak, në përgjigje të komenteve të presidentit të Francës, Emmanuel Macron, për vendet evropiane që dërgojnë trupa në Ukrainë.
“Përtej numrit të vogël të personelit që kemi në vendin që mbështet forcat e armatosura të Ukrainës, ne nuk kemi asnjë plan për vendosje në shkallë të gjerë”, u tha zëdhënësi gazetarëve, duke shtuar se një numër i madh i trupave ukrainase po stërviteshin në Britani, njofton ‘The Guardian’, transmeton RTKlive.
Bëhet e ditur se Britania e Madhe po mbështeste Kievin me pajisje dhe furnizime.
