Prokuroria Themelore në Gjilan, ka dhënë detaje lidhur me personin i cili është gjetur pa shenja jete më 26 Shkurt. Sipas njoftimit të prokurorisë, viktima M.H. i lindur më 1958, ishte raportuar më 09 Janar të këtij viti si person i humbur.
Organi i akuzës ka treguar edhe se çka është gjetur në vendin e ngjarjes.
“Pas gjetjes së personit të zhdukur, në çantën e tij është gjetur edhe shuma e lartcekur e të hollave prej 86,250 Franga zvicerane, si dhe 350 Euro, tre telefona mobil dhe sende tjera personale”, thuhet në njoftimin e prokurorisë.
“Pas raportimit si person i humbur, dyshimet e para kanë qenë në drejtim të veprës penale ‘’Rrëmbimi’’, pasi i njëjti pas lirimit nga qendra e paraburgimit në Lipjan, më 09 Janar 2024, kishte pasur me vete 86,250 Franga zvicerane, prandaj Prokuroria Themelore në Gjilan, ka marrë aktvendim për fillimin e hetimeve në drejtim të kësaj vepre penale dhe veprime të shumta hetimore.
Prokurori i shtetit ka dhënë urdhër që trupi i pa jetë i të ndjerit të dërgohet për autopsi në Institutin e Mjekësisë Ligjore. Po ashtu janë angazhuar ekspertë nga fakulteti teknik, me qëllim të ekspertimit të funksionalitetit teknik të ashensorit, janë bërë urdhëresa për ekzaminimin e telefonave dhe janë ndërmarrë veprime tjera hetimore”, thuhet në njoftimin e Prokurorisë Themelore të Gjilanit. /Kosovatimes/
