Kreu i Kuvendi të Kosovës Glauk Konjufca ka zbardhur mënyrën e vendimmarrjes në qeverisjen e institucioneve pas raportimeve se deputetët e LVV-së konsultohen paraprakisht me Dejona Mihailin.
Pas mbledhjes së kryesisë së Kuvendit, Konjufca tha se edhe vetë konsultohet me Mihalin e cila mban pozitë shumë të rëndësishme në Vetëvendosje, por që nuk do të thotë se merr urdhra prej saj.
“Ajo ka një pozitë shumë të rëndësishme në Vetëvendosje. Është kryetare e Komitetit të VV-së. Komitetet e bëjnë politikën e Vetëvendosjes, e prodhojnë politikën profesionale të VV-së”, tha ai.
Sipas tij, politika profesionale e komiteteve është në bashkëpunim me deputetët se si t’i përgatisin qëndrimet e tyre, se si t’i përgatitin fjalimet e tyre.
“Edhe unë konsultohem ndonjëherë me Dejona Mihalin, por nuk mendoj që ajo më jep urdhra mua, thjesht bisedojmë dhe vijmë deri te konstatime të përbashkëta se çka duhet të bëjmë”, ka thënë ai pas mbledhjes së Kryesisë së Kuvendit. /Kosovatimes/
