Ushtria ruse ka shkatërruar mbrëmë 38 dronë të Forcave të Armatosura të Ukrainës mbi Krime, njoftoi sot Ministria e Mbrojtjes e Rusisë.
Më herët, Ministria njoftoi se katër dronë ukrainas u shkatërruan mbi rajonin e Belgorodit dhe një mbi rajonin e Leningradit, raporton Interfax.
Ura e Krimesë u mbyll për trafikun për dy orë.
An oil base was attacked in Feodosia. Crimea #CrimeaIsUkraine pic.twitter.com/wOaxev6SKr
— TOGA (@TOGAjano21) March 3, 2024
Reuters më herët raportoi se trafiku pranë portit të Krimesë të Feodosia ishte i kufizuar përkohësisht, duke cituar deklaratat e zyrtarëve rusë në Krime që pasuan raportimet e disa shpërthimeve të fuqishme në zonë në mediat sociale ukrainase dhe ruse.
Që nga fillimi i sulmit ndaj Ukrainës në shkurt 2022, Rusia ka njoftuar pothuajse çdo ditë sulme nga dronët ukrainas në zonat kufitare dhe qendrore, si dhe në Krime.
