Kryeministri, Albin Kurti në një postim në rrjetin social Facebook, ka shkruar për takimin e zhvilluar me Rifat Jasharin, vëllanë e komandantit legjendar Adem Jashari, si dhe me dy ikona të artit dhe muzikës kombëtare, Shkurte Fejzën dhe Ilir Shaqirin.
Kurti ka shkruar se takimi ishte mbushur me emocione dhe rëndësi të veçantë, pasi Kuvendi i Kosovës jehoi me muzikën përkujtimore që nderon veprimtarinë e UÇK-së.
“Vepra dhe jeta e kryekomandantit Adem Jashari e ka frymëzuar popullin tonë dhe ka ndërtuar një trashëgimi të pasur artistike e kulturore, për të përkujtuar gjithmonë sakrificën e bërë për çlirimin e Kosovës”, ka shkruar Kurti. /Kosovatimes/
