Disa nga ngjarjet që pritet të ndodhin sot.
Këshilli Gjyqësor i Kosovës (KGJK) mban mbledhjen e radhës. (KGJK, ora 09:00)
Komisioni për të Drejtat dhe Interesat e Komuniteteve dhe Kthim shqyrton raportin me amendamente i Komisionit funksional për Projektligjin për promovimin e përdorimit të burimeve të ripërtërishme të energjisë. (Kuvendi i Kosovës, salla N-303, ora 09:30)
Mbahet ceremonia zyrtare e hapjes së Ligës Universitare në Futsal, organizuar nga Federata e Sportit Universitar të Kosovës. (Palestra “1 Tetori”, Prishtinë, ora 09:30)
Kuvendi i Kosovës mban seancë plenare. (Kuvendi i Kosovës, ora 10:00)
Rrjeti i OShC-ve për Arsimin Parauniversitar (ROSCAP) mban konferencën për shtyp dhe aksionin simbolik. (Sheshi “Ibrahim Rugova” para Kuvendit të Kosovës, ora 10:30)
Qendra Avokuese për Kulturë Demokratike organizon diskutim publik me përfaqësuesit e Inspektoratit Policor të Kosovës. (Qendra për Energji Qytetare – Mitrovicë Veriore, ora 11:00 – 13:30)
Kryeministri Albin Kurti dhe ministrja e Arsimit Arbërie Nagavci marrin pjesë në manifestimin për 7 marsin “Dita e Mësuesit”. (Biblioteka Kombëtare e Kosovës, Prishtinë, ora 13:00)
Zyra e Bashkimit Evropian në Kosovë mban sesion informues lidhur me punën përgatitore për Raportin e Progresit për Kosovën 2024. (House of Europe Prishtinë, ora 13:00 – 14:30)
Mbahet debati “Efikasiteti dhe ndikimi i peticioneve të qytetarëve si mjet i ushtrimit të të drejtave dhe ndryshime në shoqëri”. Merr pjesë ministri i Administrimit të Pushtetit Lokal, Elbert Krasniqi. (Qendra Mediale Çagllavicë, ora 14:00)
Me rastin e 26-vjetorit të Epopesë së UÇK-së, Komuna e Skenderajt mban ceremoninë e ndarjes së mirënjohjeve dhe dhuratave për veteranët e arsimit të pensionuar gjatë vitit 2023/24. (Ora 11:00)
Me rastin e 26-vjetorit të Epopesë së UÇK-së do të mbahet “Nata e zjarreve”. (Prekaz, ora 18:00)
Me rastin e 26-vjetorit të Epopesë së UÇK-së do të bëhet ndezja e flakadanëve. (Amfiteatri i Sheshit “Zahir Pajaziti” Prishtinë, ora 18:00)
Promovohet libri “Albanica Latina” i autores Majlinda Bregasi. (Libraria “Dukagjini”, Prishtinë, ora 18:00)
Me rastin e 26-vjetorit të Epopesë së UÇK-së do të mbahet program artistik. (Sheshi “Adem Jashari”, Skenderaj, ora 19:00)
