Me një ndër regjimet më të hapura ndaj emigracionit në Evropë, Portugalisë i është dyfishuar popullata e lindur jashtë vendit gjatë pesë vjetëve të fundit.
Më 2023, një milion të huaj jetonin në vend, duke përbërë një të dhjetën e popullsisë së përgjithshme.
Teksa brazilianët mbeten grupi më i madh i emigrantëve, indianët, nepalezët, bangladeshasit dhe pakistanezët tani gjenden në dhjetëshen e parë të ardhacakëve të rinj.
Pavarësisht rritjes së partisë së ekstremit të djathtë, Chega, e cila, sipas sondazheve, pritet të marrë 20 për qind të votave në zgjedhjet e përgjithshme të 10 marsit, shifrat zyrtare tregojnë se qëndrimi pro emigracionit është duke u rritur vazhdimisht në Portugali.
