Imazhet brenda centralit bërthamor në Zaporizhja ofrojnë një pamje të kontrollit rus mbi objektin para takimit me dyer të mbyllura ndërmjet shefit të Agjencisë Ndërkombëtare të Energjisë Bërthamore, Rafael Grossi, dhe presidentit rus, Vladimir Putin, më 6 mars. /rel/

Kjo foto është një nga seria e imazheve të publikuara nga media shtetërore ruse më 4 mars që tregojnë funksionimin e brendshëm të uzinës gjatë kohës nën pushtimin rus.

Fotot nga brenda uzinës u publikuan para takimit ndërmjet presidentit rus, Vladimir Putin, dhe shefit të Agjencisë Ndërkombëtare të Energjisë Bërthamore (IAEA), Rafael Grossi, më 6 mars.
Njerëz duke ecur brenda mjediseve të centralit.

Rreth 120 punëtorë ukrainas që refuzuan të pranonin nënshtetësinë ruse dhe të nënshkruanin kontrata me një kompani shtetërore ruse të energjisë, thuhet se u pushuan nga puna në shkurt.

Centrali bërthamor i Zaporizhjas, aktualisht, nuk po prodhon energji elektrike, por reaktorët e tij kërkojnë ftohje të vazhdueshme të administruar nga specialistë të trajnuar për të shmangur rrezikun nga një shkrirjeje bërthamore.

Objekti ukrainas u kap nga forcat ruse që avanconin, vetëm disa ditë pasi nisi pushtimi në shkallë të plotë nga Kremlini në Ukrainë më 24 shkurt 2022.

Në betejën për kontrollin e centralit të Zaporizhjas, disa ndërtesa pësuan dëmtime dhe një mur i jashtëm i reaktorit u shpua nga një predhë.

Detajet nga diskutimi gjatë takimit me dyer të mbyllura ndërmjet Grossit dhe Putinit më 6 mars, janë të paqarta, përderisa shefi i Agjencisë Ndërkombëtare Bërthamore bëri një postim në Twitter që thjesht njoftonte një “shkëmbim të rëndësishëm” në lidhje me ZNPP-në.

Grossi më parë ka bërë thirrje për “përmbajtje maksimale ushtarake” pasi disa shpërthime u raportuan pranë uzinës në fund të muajit të kaluar, për të cilat Kremlini fajësoi Ukrainën. Kievi deri më tani nuk u është përgjigjur akuzave.