Mospërfillja e shenjave dhe paralajmërimeve për rrezik, ka shkaktuar aksidente edhe në qendra turistike siç është ajo në Brezovicë. Instruktorët e skijimit kërkojnë që turistët ta kanë parasysh se duhet skijuar vetëm në shtigjet e përcaktuara. Përndryshe, mund të përfundojnë me fatalitet.
Brezovica është një ndër qendrat që ofron shtigje të mira për të pasionuarit e skijimit. Por, ka raste kur skitarët devijojnë nga shtigjet e caktuara duke rrezikuare dhe jetën.
“Foleja e Shqiponjave” është një prej këtyre shtigjeve. Por, ka pasur skitarë që nuk i kanë përfillur shenjat paralajmëruese të vendosura. Prandaj, edhe ka skitarë që kanë përfunduar me fatalitet siç ishte rasti i para një muaji kur një shtetase amerikane humbi jetën.
“Po janë shenjat të rrethakuar me rrjet edhe me shkopinj njërit që po dëshirojnë që ta sfidojnë veten ata po e kalojnë rrjetën dhe po futen në atë zonë është shumë te poshtë ka bredha dru ka gurë”, deklaroi Nuredin Hyseni, ish-skitar.
Instruktorët dhe njohësit e skijimit apelojë turistët që të shfrytëzohen vetëm shtigjet të cilat janë të parapara e assesi ndonjë tjetër.
“Gjithmonë unë kur i ushtrojë kandidatët u apelojë që dy gjëra janë në skijim siguria e pas sigurisë vjen argëtimi. Ka shumë skitar që janë të vetëdijshme rrezikojnë edhe dalin jashtë shtigjeve që unë ju bëjë shumë apel, se rreziqet janë shumë të mëdha”, deklaroi Fevzi Krasniqi, Instruktor.
Edhe Imri Thaçi, anëtar i Bordit të Federatës së Skitarëve të Kosovës, kërkon që skitarët të knë kujdes dhe t’i respektojnë rekomandimet e instruktorëve.
“Edhe këtu më nxënës ku jemi edhe me student non-stop ju rrimë gati dhe themi se nuk bënë të shkohet në atë pjesë sepse është e rrezikshme. Aty kur bije borë shumë normal që ka me pas edhe ortek jo shumë i madh, por megjithatë sa për të humbur jetën është e mundur”, deklaroi ai.
Ata që skijojnë në Brezovicë thonë se është kënaqësi të përshkohen shtigjet e parapara për rrëshqitje.
“…i shijojmë shumë bukur. Një vend jashtëzakonisht sportiv dhe jemi kënaqur shumë”, tha ndërkaq vizitori Rizvan Hasani.
Në Qendrën e Skijimit në Brezovicë viteve të fundit ka pasur disa investime në përmirësimin e infrastrukturës me qëllim që vizitorëve t’u ofrohen kushte të mira.
