Sipas të dhënave zyrtare, vitin e kaluar në Serbi kanë hyrë 108,828 refugjatë dhe migrantë, ndërsa aktualisht 1,162 persona janë të vendosur në disa nga qendrat e azilit dhe pritjes, tha sot përfaqësuesi i Komisionerit të Lartë të Kombeve të Bashkuara për Refugjatë (UNHCR) Sufijan Adjali.
Ai tha se numri më i madh i refugjatëve dhe emigrantëve që kanë hyrë në Serbi është nga Siria – 45 për qind), 22 për qind e emigrantëve kanë ardhur nga Afganistani, pasuar nga Maroku dhe Pakistani.
“Që nga fillimi i luftës në Ukrainë, në Serbi kanë hyrë më shumë se 335.500 qytetarë të atij vendi. Në fund të janarit të këtij viti në Serbi ishin rreth 4200 refugjatë nga Ukraina dhe në fund të shkurtit 1089 persona ishin nën mbrojtje të përkohshme”, tha Adjali.
Adjali po ashtu për edicionin e sotëm të Politikës ka thënë se në vitin 2023 në Serbi kanë kërkuar azil 196 persona dhe nëntë prej tyre e kanë marrë atë.
