Paris Saint-Germain ka kaluar në gjysmëfinale të Kupës së Francës, duke eliminuar Nicen me rezultat 3-1.
Pas 14 minutash lojë, Kylian Mbappe kaloi parisienët në epërsi me një asistim të Fabian Ruiz.
Në minutën e 33-të, Ruiz ndryshoi rol, nga asistues në golashënues, kur shënoi për 2-0 me një bashkëpunim me Ousmane Dembelen.
Katër minuta më vonë, Nice shqetësoi PSG-në, kur shënoi për 2-1 me anë të Gaetan Laborde.
Por, kalimin në gjysmëfinale të PSG-së e vulosi talenti Lucas Beraldo, kur shënoi në minutën e 60-të për 3-1.
Në gjysmëfinale, PSG do të ketë përballë Rennes, që eliminoi Le Puy-en-Velay.
