Presidenti i Shqipërisë, Bajram Begaj, ka uruar Ditën e Verës – 14 marsin.
Ai ka kujtuar mënyrën se si festohej kjo ditë në fëmijërinë e tij, teksa ka uruar shqiptarët.
“Në fëmijërinë time, mëngjesi i 14 Marsit niste me të vegjlit që shpërndanin në çdo shtëpi një plis me grurë të sapombirë, degë ulliri dhe degë lule kumbulle. Kjo për të uruar një pranverë të begatë, të paqtë dhe të gëzuar. Mbarësi, begati dhe gëzim sjelltë kjo festë në çdo shtëpi shqiptare”, ka shkruar Begaj në Shqipëri.
Dita e Verës festohet tash e sa vjet si manifestim në nderim të natyrës shqiptare dhe botës së bimësisë.
