Një gjykatë në ShBA ka shpallur fajtor babin e sulmuesit që vrau katër bashkëmoshatarë në nëntor 2021 në një shkollë në Michigan. Babai e kishte injoruar gjendjen mentale të të birit 15 vjeç kur ia kishte blerë armën.
Për herë të parë, babai i sulmuesit që vrau katër nxënës në Michigan në ShBA në vitin 2021 është shpallur fajtor nga një gjykatë për vrasje pa paramendim.
Gjatë gjykimit është thënë se 47 vjeçari James Crumbley, nuk e ka marrë parasysh gjendjen mendore të të birit 15 vjeç duke i blerë atij armën me të cilët kreu sulmin në nëntor të vitit 2021.
Bashkëshortja e Crumbley-t apo nëna e dorasit, do të dënohet muajin e ardhshëm pas shpalljes fajtore për të njëjtat akuza.
Ethan Crumbley, në nëntor 2021 vrau katër bashkëmoshatarë të moshave nga 14 deri 17 ndërsa plagosi shtatë të tjerë.
Ethan po vuan dënimin me burg të përjetshëm pa të drejt lirimi me kusht.
Steve Juliana, babai i njërës nga viktimat e rastit, ka thënë se fëmijët po vriten në baza ditore si pasojë e të shtënave në masë dhe ne po bëjmë shumë pak lidhur me këtë. Kemi mundësi që njerëzit t’i dërgojmë në hënë, mund të ndërtojmë rrokaqiej, mund të ndërtojmë objekte masive siç është Diga Dam, por nuk mund të kemi siguri për fëmijët tanë nëpër shkolla.
Në ditën kur ka ndodhur sulmi, në mëngjes, prindërit e dorasit kanë ndërprerë një takim në shkollë që kishte të bënte me një vizatim shqetësues që kishte bërë i biri për të shkuar në punë dhe kishin refuzuar që të birin ta merrnin e ta dërgonin në shtëpi.
Zyrtarët e shkollës e kthyen atë në klasë për ta vijuar mësimin duke mos ia kontrolluar çantën në të cilën kishte armën me të cilën kreu krimin.
