Ish-kryeministri Avdullah Hoti ka akuzuar qeverinë aktuale se ia ka dhënë të mbrapshtën vendit dhe ka acaruar raportet me botën demokratike.
Ai përmes një shkrimi në Facebook ka thënë se “në vend që vendimet të merren në Prishtinë në bashkëpunim dhe sipas këshillave të miqve tanë, këta shkojnë të dialogojnë me Serbinë në Bruksel”.
“Mbrapshtitë e qeveritarëve në shkuarje na acaruan raportet me gjithë botën demokratike, na dhanë të mbrapshtën, na krijuan status quo të re, na bllokuan procesin eurointegrues, na sollën sanksione, na cenuan raportet shtetërore me Shqipërinë e Maqedoninë e Veriut, i bënë pikë e pesë shqiptarët në Luginë e në Maqedoni të Veriut”, ka shkruar tutje Hoti, i cili aktualisht është deputet në Kuvendin e Kosovës nga radhët e LDK-së. /Kosovatimes/
