Kryeministri Albin Kurti nëpërmjet një video ka përmbledhur projektet e kryera gjatë javës që po e lëmë pas.
“Javë e mbarë me shumë punë të mira. Nga interneti e rrugët e reja që na lidhin me veriun te investimet shtesë në FSK. Vazhduam në Prizren me transformimet në shëndetësi e investime në fabrikën e ujit në Gjilan”, ka shkruar kryeministri Kurti në Facebook.
Ai tutje ka shkruar se pjesë e kësaj jave ka qenë edhe nisja për herë të parë e rrugëve ndërkufitare që e lidhin Kosovën me Shqipërinë. /Kosovatimes/
