Policia e Kosovës ka bërët ditur se është duke e hetuar vdekjen e një 54-vjeçari në Prishtinë, për të cilën u raportuar të enjten.
Policia ka njoftuar policia në raportin 24 orësh viktima është shtetas i Shqipërisë dhe është gjetur i vdekur në bodrumin e një ashensori në rrugën “Sadik Bekteshi” në Prishtinë.
“Viktima mashkull shtetas i Shqipërisë, është gjetur pa shenja jete në hapësirën e bodrumit të ashensorit të një banese. Në vendin e ngjarjes kanë dalë njësitë përkatëse policore, ndërsa ekipi mjekësor ka konstatuar vdekjen e viktimës”.
Me vendim të prokurorit u tha se trupi i pa jetë është dërguar në Institutin e Mjekësisë Ligjore për obduksion.
