Disa nga ngjarjet që janë paraparë për ditën e sotme.
Drejtori i Inspektoratit të Kryeqytetit, Florian Dushi, i shoqëruar nga Policia, marrin pjesë në aksionin kundër transportuesve ilegalë në Prishtinë. (Te Rrethi i Flamurit, ora, 9:00)
Presidenti i Komitetit Olimpik të Kosovës (KOK), Ismet Krasniqi, pret në takim përfaqësues të Agjencisë Botërore të Anti-Dopingut. Pas takimit do të ketë konferencë për media. (Zyrat e KOK-ut, ora 10:00)
Drejtori i Policisë së Kosovës, Gazmend Hoxha, raporton në Komisionin për Çështje të Sigurisë dhe Mbrojtjes, lidhur me raportin vjetor të punës për vitin 2023. (Kuvendi i Kosovës, salla N302, ora 10:00)
Komisioni për Ekonomi, Industri, Ndërmarrësi dhe Tregti, shqyrton Projekt-rezolutën për Raportin vjetor të Autoritetit të Konkurrencës së Republikës së Kosovës – AKRK, për vitin 2022. (Kuvendi i Kosovës, salla N10, ora 10:00)
Presidentja e Kosovës, Vjosa Osmani merr pjesë në tubimin përkujtimor në 25-vjetorin e masakrës në Krushë të Madhe. Ajo gjithashtu do të marrë pjesë në përurimin e Muzeut. (Kompleksi Memorial Krushë e Madhe, ora 11:00)
Ministri i Shëndetësisë, Arben Vitia dhe zëvendësdrejtori i Fondit për Sigurime Shëndetsore Bujar Kaçuri, raportojnë në Komisionin për Mbikëqyrjen e Financave Publike, lidhur me raportin e auditimit të përformances “Efektiviteti i Programit për Trajtimin e Pacientëve jashtë Institucioneve Shëndetësore Publike”. (Kuvendi i Kosovës, salla N303, ora 11:00)
Komuna e Prishtinës bën hapjen e projektit “Prishtina Solar Parking”, një iniciativë inovatore për të instaluar përafërsisht 36.4 KW. (Parku i Gërmisë, Prishtinë, ora 13:30)
Agjencia e Anti-Dopingut për Kosovë (KosADA) në bashkëpunim me Fakultetin e Edukimit Fizik dhe Sportit të Universitetit të Prishtinës “Hasan Prishtina” organizon seminarin për lojën fer dhe të pastër pa doping me panelistët, Sebastien Gillot, Drejtor i WADA (Agjencia Botërore për Anti-Doping) për Evropë dhe Janko Dvorsak, Drejtor i SloADO (Agjencia e Anti-Dopingut të Sllovenisë). (Fakulteti i Edukimit Fizik dhe Sportit në UP, ora 14:00)
Përurohen dhjetë shtëpi të ndërtuara për familjet në nevojë në Komunën e Malishevës.
Agjenda e aktivitetit:
10:30 – 11:00 – Ceremonia në sallën e Kuvendit të Komunës
- a) Fjalimi i kryetarit të Komunës së Malishevës, z.Ekrem Kastrati.
- b) Fjalimi drejtorit të organizatës “Qatar Charity”, z.Esam Dabab
- c) Dorëzimi i çelësave për familjet përfituese
- d) Ndarja e Mirënjohjeve nga Kryetari i Komunës së Malishevës, z.Ekrem Kastrati për për përfaqësuesit e organizatës.
11:10-11:30 – Nisja dhe arritja në fshatin Stapanicë.
11:30-11:40 – Vizitë urimi familjes së z.Muharrem Islamaj.
11:45- Përfundimi i aktivitetit.
Inaugurohet zyrtarisht Instituti francez i Kosovës. Marrin pjesë: Presidentja e Kosovës, Vjosa Osmani, i dërguari special i Francës për Ballkanin, René Troccaz, ambasadori francez, Olivier Guérot dhe drejtori i Institutit francez, Donato Giuliani. (Ambasada e Francës, ora 18:30)
