Bora është skuadra që do të marrë pjesë në Superligë edicionin e ardhshëm.
Kjo pasi Bora është shpallur kampion i Ligës së parë për meshkuj.
Në ndeshjen e dytë të “Play-off” prishtinasit triumfuan ndaj New Basket.
Rezultati përfundimtar ka qenë 71:97 (17:19, 23:30, 11:25, 20:23).
Çmimi MVP i ka takuar Tyus Jefferson, i cili finalen e ka mbyllur me 26 pikë, 14 kërcime e gjashtë asistime, derisa çmimin ia ka dhuruar Artan Kurti.
Medaljet e arta dhe të argjendta i kanë ndarë Artan Kurti, Nënkryetar i Federatës së Basketbollit të Kosovës dhe Rrahman Përteshi, anëtar i Bordit të Federatës së Basketbollit të Kosovës.
