Newcastle ka dalë në mbështetje të futbollistit, Sandro Tonali, duke besuar në pafajësinë e italianit.
Kjo pasi futbollisti i transferuar nga Milan, i dënuar më herët për vënie të basteve, po përballet me akuza të reja për të njëjtën gjë, porse tash jo në Itali po në Angli.
Klubi anglez ka konfirmuar edhe njëherë mbështetjen që i jep lojtarit.
“Klubi është në dijeni të akuzës së re ndaj Sandro Tonalit në lidhje me shkeljet e pretenduara të rregullave të basteve në Angli. Ai është vënë në dispozicion të Federatës Angleze dhe do të tregojë të vërtetën. Sandro vazhdon të respektojë plotësisht hetimet dhe ka mbështetjen e plotë të klubit”, thuhet në deklaratën e klubit të Newcastle.
