Sot me rastin e festës së Pashkëve u mbajt mesha e mëngjesit në Katedralen “Shën Nënë Tereza”, të cilës i priu ipeshkvi Imzot Dodë Gjergji.
Dodë Gjergji tha se është moment i bukur që të bashkëndajmë harenë dhe gëzimin dhe vullnetin tonë për paqe dhe dashurinë dhe të gjithë njerëzve që jetojnë në këtë vend.
Tutje ai shtoi, se është e rëndësishme që përmes lutjeve të ndërtohet harmonia dhe paqja në botë, gjithashtu të ndalen luftërat dhe njerëzit të jetojnë në paqe dhe harmoni.
“Faleminderit për pjesëmarrjen tuaj në këtë meshë të dielës së pashkëve po edhe mbrëmë kemi kremtuar në mënyrë solemne është më të vërtetë një moment i bukur që të bashkëndajmë harenë dhe gëzimin dhe vullnetin tonë për paqe dhe dashurinë dhe të gjithë njerëzve që jetojnë në këtë vend duke i ftuar të gjithë të ndërtojmë së bashku harmoninë dhe paqen dhe të lutemi për paqen në botë për të gjithë ata njerëz të cilët janë duke vuajtur nga lufta dhashtë Zoti që princi i paqes të shërojë zemrat e të gjithë njerëzve dhe ata të dëbojnë urrejtjen prej zemrës së vetë dhe të përqafojnë Krishtin bile paqen e tij porosinë e tij për paqe dhe të mos ketë luftëra dhe vdekje të panevojshme që njerëzit të jetojnë në paqe dhe harmoni”, tha ai.
Pjesëmarrës ishte edhe kryetari i komunës së Prishtinës, Përparim Rama me bashkëshorten e tij.
Rama uroj të gjithë besimtarët e krishterë.
“Sot morëm pjesë në këtë ditë cermoniale, ditë e besimit të krishterë e cila na tregon për reflektim, është ri jetësim për paqe për harmoni, për lumturi ndaj njerëzve e për këtë arsye me nderu këtë ditë të madhe, ishim bashkë sot këtu me Kristalen, shfrytëzoj rastin të iu uroj të gjithëve besimtarëve krishterë, urime Pashkët, paçshit një jetë të gjatë, të lumtur me harmoni të mrekullueshme, jo vetëm për të krishterët por për te gjithë”.
