Ministri i Punëve të Jashtme të Serbisë, Ivica Daçiq, ka thënë sot se është i zhgënjyer me miratimin e draft opinionit të raportueses së Asamblesë Parlamentare të Këshillit të Evropës (PSSE) Dora Bakojani për kërkesën e Kosovës për anëtarësim në Këshillin e Evropës, sepse kushtet që duhet të përmbushë Prishtina janë lënë jashtë.
Daçiq theksoi se Kosova është pjesë e rëndësishme historike e Serbisë dhe kujtoi miqësinë shekullore mes Serbisë dhe Francës, si dhe faktin se “ata kanë qenë gjithmonë në anën e duhur të historisë”.
Ai shprehu pritjen që deputetët francezë në PSSE të kenë më shumë mirëkuptim për argumentet e Serbisë në seancën e ardhshme të PSSE-së, ku do të diskutohet projekt-mendimi për kërkesën për pranimin e Kosovës në KE.
Franca mbetet e hapur për dialog me delegacionin serb në PSSE dhe i kupton pikëpamjet e palës serbe për këtë çështje, tha Buix, thuhet në deklaratë.
