Të paktën 29 persona kanë humbur jetën në një zjarr që shpërtheu në një klub nate në Stamboll, Turqi, njoftuan mediat shtetërore të martën.
Tetë persona të tjerë u plagosën, shtatë prej të cilëve janë në gjendje të rëndë, njoftoi zyra e guvernatorit të Stambollit.
Zyra e guvernatorit tha se zjarri shpërtheu në lagjen Beşiktaş në qendër të Stambollit në anën evropiane të qytetit dhe se të gjitha viktimat ishin punëtorë ndërtimi. Zjarri ka rënë gjatë rinovimit.
Urdhër-arrestet janë lëshuar për pesë persona, duke përfshirë tre persona që menaxhonin klubin e natës dhe një përgjegjës për rinovimin, shkroi ministri turk i drejtësisë Jilmaz Tunc në rrjetin Iks.
“Hetimet në vendngjarje dhe grumbullimi i provave janë duke vazhduar dhe një ekip prej tre ekspertësh po vijon punën për të përcaktuar shkakun e zjarrit”, tha ai.
