Qytetarët e Prishtinës janë në hall me trotuaret, pasi në shumë pjesë të kryeqytetit ato po zihen nga veturat e parkuara. Sidomos kjo gjendje po u paraqet probleme të moshuarve dhe prindërve me karroca të fëmijëve.
Qytetarët po ankohen se po e kanë të vështirë të ecin në trotuare për shkak të parkimit të veturave në të, raporton RTKlive.
Madje, po e konsiderojnë të rrezikshëm, ecjen në rrugë, sidomos për të moshuarit dhe për gratë me karroca me fëmijë.
“Kam dëgjuar një arkitekt, që ka punuar dy tri vite në Prishtinë, kur është kthyer e ka dhanë një deklaratë, askund në asnjë shtet të Evropës nuk kam parë që trotuaret të mbushura me vetura ndërsa njerëzit duke ecur nëpër rrugë”, tha një qytetar.
Nga ana tjetër, drejtori i Inspeksionit, Florian Dushi, tha se janë duke punuar e duke marrë veprime që automjetet mos të parkohen në trotuare.
Dushi beson që të gjitha këto veprime që tha se po i ndërmarrin, do të japin rezultat.
