20 kilogramë lëndë narkotike të llojit heroinë, janë konfiskuar në një aksion të Departamentit Antidrogë, të Policisë së Kosovës.
Ngasësi i automjetit me targa kroate, shtetas kosovar dhe kroat, A.L 65 vjeç, i cili u arrestua si i dyshuar në vend të ngjarjes kishte qenë i arrestuar edhe më parë.
“I dyshuari, i lindur në vitin 1959 është arrestuar dhe po intervistohet në prani të avokatit. Vlera e substancës narkotike sillet rreth 20-25 mijë euro në tregun kosovar, e gjithsej shuma sillet deri në 200 mijë euro”, tha rreshteri Reshat Murseli.
Droga e kapur në pikën kufitare në Merdar destinacion kishte vendet e Bashkimit Evropian, derisa Policia e Kosovës është shprehur e përkushtuar në parandalimin e rasteve me substancave narkotike.
Sipas Policisë së Kosovës, droga ka ardhur përmes Turqisë ose Iranit. Aksioni është zhvilluar në koordinim me Prokurorinë themelore – Departamentin për krime të rënda në Prishtinë.
