Forumi i Rinisë i LDK-së, ka mbajtur sot një aksion simbolik para ndërtesës së Qeverisë së Kosovës.Ata kanë vendosur një tepih para hyrjes së Qeverisë, ku shkruante “Kushtetuta e Kosovës”.Kryetari i Forumit të Rinisë të LDK-së, Paris Guri, tha se në vend të urimit sot Qeverisë duhet t’i rikujtohet se Kushtetuta është shkelur shtatë herë.“Fatkeqësisht në vend të urimit sot duhet t’ia rikujtojmë kësaj qeverie se gjatë mandatit të saj, Kushtetuta e vendit tonë është shkelur plotë shtatë herë. Ministrja e Arsimit, Arbërie Nagavci, ka bërë shkelje kushtetuese duke ndërhyrë në kompetencat e komunës se Kamenicës për reformën në Arsim. Ministrja e Drejtësisë, Albulena Haxhiu, ka shkelur Kushtetutën me Ligjin për Këshillin Prokurorial. Gjykata Kushtetuese ia rrezoi Ligjin për Masat e Përkohshme të Produkteve Themelore në Raste te Veçanta te Destabilizimit ne Treg ministres së Tregtisë, Rozeta Hajdari”, është shprehur Guri.Ky Forum ka vlerësuar se Qeveria e udhëhequr nga Albin Kurti është shkelësja më e madhe e Kushtetutës.
