Kryetari Lidhjes Demokratike të Kosovës Lumir Abdixhiku, ka uruar Bajramin.
“Të dashur besimtarë, me fat festa e Bajramit!. Shëndet, begati e plot gëzime për ju e familjet tuaja!. Le të shpresojmë që lutjet, veprat e mira e sakrifica gjatë muajit të Ramazanit të jenë pranuar nga Krijuesi; e le të punojmë që vlerat e mësuara gjatë muajit të shenjtë e vet festës së Bajramit, të jenë vlera të përditshmërisë sonë. Që sakrifica, solidariteti e kujdesi ndaj njëri-tjetrit, të na shoqërojnë në secilën sjellje tonën. Që lidhjet me familjen, miqtë e gjithë atdheun, të na drejtojnë si synim i ecjes sonë të përditshme”, ka uruar Abdixhiku. /Kosovatimes/
