Gjatë natës, Rusia sulmoi Ukrainën me 17 dronë sulmues Shahed-131/136, dy raketa Iskander-K dhe një raketë balistike Iskander-M, duke synuar rajonet Odesa, Mykolaivsk, Kherson dhe Kirovohrad, njoftuan autoritetet ukrainase.
Shpërthime të forta janë dëgjuar në Odessa gjatë mëngjesit dhe është raportuar se në sulmin rus janë dëmtuar një objekt energjetik, një shtëpi private dhe disa makina, raporton agjencia ukrainase Unian.
Forcat e Mbrojtjes së Ukrainës shkatërruan 14 dronë sulmues të armikut Shahed, njoftoi komandanti i Forcave Ajrore të Forcave të Armatosura të Ukrainës, gjenerali Mykola Oleschuk.
Ministria ruse e Mbrojtjes njoftoi se sistemet e mbrojtjes ajrore shkatërruan pesë dronë ukrainas në qiell mbi rajonin e Bryansk gjatë natës.
“Sistemet e mbrojtjes ajrore në detyrë shkatërruan pesë dronë ukrainas mbi territorin e rajonit Bryansk”, thuhet në deklaratën e Ministrisë së publikuar sot, raporton Interfax Rusi.
Nuk ka raportime për viktima apo dëme të shkaktuara nga ky sulm.
