Qendra Përkujtimore përmes një teksti ka falënderuar presidentin Emmanuel Macron, Misionin e Francës në Kombet e Bashkuara dhe popullin mik të Francës, transmeton Fena.
Nga Srebrenica, ata ndanë edhe një video të fjalimit të presidentit Macron të disa viteve më parë me rastin e përvjetorit të gjenocidit.
Franca kujton dhe do të kujtojë gjithmonë vuajtjet që përjetoi vendi juaj 25 vjet më parë, në momentet më të errëta që Evropa ka parë që nga fundi i Luftës së Dytë Botërore. Më 11 korrik 1995 dhe në ditët që pasuan, këtu, në Srebrenicë, në Bosnjë dhe Hercegovinë, ndodhi një nga tragjeditë më të rënda në historinë moderne. “Franca nuk ka harruar më shumë se 8,000 viktima, të rritur dhe fëmijë, të cilët u vranë”, tha Macron me atë rast, njoftoi shërbimi për shtyp i Qendrës Përkujtimore të Srebrenicës.
Presidenti i entitetit boshnjak Republika Srpska (RS), Milorad Dodik, tha më 11 prill se RS do të “marrë vendime” kundër rezolutës së shpallur mbi gjenocidin në Srebrenicë në OKB.
Dodik, pas takimit të përfaqësuesve politikë të RS-së me lidershipin e Serbisë në Beograd, tha se do të “përpiqet të bindë presidentin e Serbisë, Aleksandar Vuçiq, që t’i mbështesë” ato vendime.
Siç tha Dodik, nëse Rezoluta miratohet në OKB, “Republika Srpska do të largohet nga vendimmarrja në Bosnje dhe Hercegovinë”.
Ai përsëriti qëndrimin e autoriteteve në RS, të cilat, pavarësisht vendimeve ndërkombëtare, mohojnë që në Srebrenicë të jetë kryer gjenocid kundër boshnjakëve në vitin 1995, raporton RSE .
Kujtojmë se projekt-rezoluta për shpalljen e 11 korrikut si Ditën Ndërkombëtare të Përkujtimit të Gjenocidit të Srebrenicës do të prezantohet më 17 prill në një takim të mbyllur në OKB, siç raportoi më parë Zëri i Amerikës.
