Kryetarja aktuale e Fondit Monetar Ndërkombëtar (FMN), Kristalina Georgieva, u rizgjodh për një mandat të dytë.
Shtetasi bullgar Georgieva, e cila drejton FMN-në që nga viti 2019, ishte e vetmja pretendente. Kandidatura e saj u miratua unanimisht nga anëtarët e bordit të FMN-së. Mandati i ri pesëvjeçar i Georgievës do të fillojë më 1 tetor 2024.
“Në marrjen e këtij vendimi, Bordi përgëzoi udhëheqjen e fortë dhe fleksibël të znj. Georgieva gjatë mandatit të saj, ndërsa ajo udhëhoqi një sërë goditjesh të mëdha globale,” tha FMN në një deklaratë.
Ndër të tjera, Georgieva udhëhoqi FMN-në përmes pandemisë, duke miratuar më shumë se 360 miliardë dollarë financime të reja për 97 vende dhe duke lehtësuar barrën e borxhit të vendeve më të varfra. Gjithashtu, nën udhëheqjen e saj, në vitin 2023, FMN miratoi një paketë ndihme prej 15.6 miliardë dollarësh për Ukrainën – e para për një vend në luftë, vëren Financial Times .
Duke komentuar rizgjedhjen e saj, Georgieva tha se ishte “thellësisht mirënjohëse për besimin dhe mbështetjen” që këshilli i kishte treguar asaj.
