Napoli ka humbur një rast të vlefshëm për të marrë pikë të plota dhe për të mbetur konkurrent për një vend në Champions League.
Kjo pasi është ndalur nga Frosinone.
Në një ndeshje të zhvilluar të dielën në stadiumin “Diego Armando Maradona” kampioni në fuqi nuk ka shkuar përtej barazimit, ani se përballë ka pasur një skuadër që lufton për mbijetesë.
Përballja e vlefshme për Javën e tridhjetë e dytë të Serie A është mbyllur me rezultat 2-2.
Napoli ka filluar ndeshjen mirë, me Politano që ka hapur serinë e golave në minutën e 16-të. Megjithatë, Frosinone ka treguar karakter dhe ka barazuar me Cheddira në minutën e pesëdhjetë. Pastaj Osimhen i ka ridhënë Napolit sërish avantazhin në minutën e 63-të, por sërish Cheddira, që është një futbollist i huazuar i Napolit te Frosinone, ka shënuar në minutën e 73-të për ta barazuar sërish rezultatin dhe për t’i pamundësuar Napolit fitoren.
Në tabelën e klasifikimit të Serie A, Napoli gjendet në vendin e tetë, ndërsa Frosinone renditet në vendin e tetëmbëdhjetë. Tabela e Serie A kryesohet nga Inter.
